• Segue conectado
  • |

O edil Baltar non asiste aos plenos de Esgos

O edil Baltar Blanco asistiu ao primeiro pleno do mandato o 13 de xuño de 2015 para tomar posesión como concelleiro, ía de segundo na lista, e desde esa data so volveu a outra sesión plenaria.

Esgos

Baltar Blanco na porta dos xuzgados

Esgos/Ourense | O concelleiro do PP na Corporación municipal de Esgos, José Manuel Baltar Blanco, presidente da Deputación, non asiste ás sesións plenarias desde xullo de 2015, segundo sinalou o único concelleiro da oposición, o socialista Víctor Manuel Pérez. O edil Baltar Blanco asistiu ao primeiro pleno do mandato o 13 de xuño de 2015 para tomar posesión como concelleiro, ía de segundo na lista, e desde esa data so volveu a outra sesión plenaria.

Víctor Manuel Pérez cre que as súas reiteradas ausencias son un «desprezo» ao pobo. Sempre celebramos os plenos ás nove da noite, precisamente para facilitar a asistencia ás persoas que traballan», di o edil socialista, que tamén fai fincapé en que a periodicidade formal das sesións é de dous meses. Pérez compara a actuación de Baltar coa do seu pai e predecesor no cargo, que era concelleiro na capital ourensá e que, salvo excepcións, asistía a todos as sesións.

Ramiro Rodríguez, portavoz do BNG na Deputación, cualificou de insulto o comportamento de Baltar como edil. «A min paréceme unha falta de respecto total aos seus veciños e aos seu pobo. Se foi elexido polos cidadáns ou normal é que apareza nos plenos para contribuír a traballar para mellorar ou seu pobo e as prestacións que se lle dan aos veciños. O que pasa é que como últimamente o está noutro tipo de situacións, de índole internacional, ao mellor os problemas dous veciños que ou elixen e ou votan se lle quedan un pouco pequenos, en relación ás aspiracións que ten e a como se desenvolve nesta casa», segundo Ramiro Rodríguez.

Gonzalo Pérez Jácome, de Democracia Ourensá, considera que esta práctica «demostra o pouco demócrata que é este señor e o desprezo que fai ao seu pobo e aos seus vecinos”. Para Jácome esta postura de Baltar «é o reflexo da súa covardía e do medo que ten de presentarse onde realmente vive, que é en Ourense. E é a proba inequívoca de que esta persoa se vai nunha lista, como é tan odiado, resta votos. Nós queremos que faga como o seu pai, que non era tan odiado, que se presentaba por Ourense e ía aos plenos. Rétoo a que teña valor e que se presente pola cidade. O que pasa é que non se atreve con Ourense».

Francisco Fraga, portavoz do PSdeG na corporación provincial, non considera que a inasistencia de Baltar aos plenos sexa algo que deba suscitar unha valoración de grupo: «Na miña opinión, calquera persoa que ostente ou cargo de concelleiro debe cumprir coa obriga que adquire. Dito isto creo que é unha cuestión sobre a que se debe pronunciar a oposición de Esgos, mais é intranscendente para o PSOE como grupo provincial».

Mario Rodríguez, alcalde de Esgos, sinalou que «Baltar ten outras ocupacións; non é como os demais, que temos máis tempo. El tiña que ir nunha lista para ser presidente da Deputación; decidiu vir por Esgos e nós estamos encantados de que estea». Mario Rodríguez di non entender as críticas do edil socialista. «Para que quere que estea aí? El podar falar igual do que queira», pregúntase o alcalde, que apunta que «hai problemas máis importantes que este dos que preocuparse en Esgos».

Publicado o 8 Mai 2017 en Ourense, Portada.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies