• Segue conectado
  • |

O Concello de Tomiño adicará a saneamento máis do 40% do Plan Concellos 2016

NDEA_Tomiño

Tomiño | O Concello de Tomiño adicará máis do 40% do investimento do Plan de Obras e Servizos (Plan Concellos) 2016, financiado pola Deputación Provincial, a obras de saneamento. Así do 1.237.016,69 euros do plan, máis de 514.000 destinaranse ao saneamento dos núcleos de Camiño Novo, Pazos, Rexidouro e A Val (258.389,11 euros), e Carregal de Abaixo (200.000). As accións completaranse co baleirado de foxas sépticas, para o que se mercará un tractor especial, valorado en máis de 56.000 euros.

Outra partida moi considerable (case 220.000 euros) será a adicada á contratación de 25 persoas desempregadas (sen prestación algunha) destinadas á área de conservación de bens e servizos (xardinería, construción, carpintería, mecánica de mantemento, soldadura, electricidade, administración xeral, etc.).

Os contratos terán unha duración de 10 e 8 meses, dependendo do caso, e a xornada será de 35 horas semanais.

Perto de 100.000 euros destinaranse á urbanización de zonas verdes e pavimentación de camiños. Neste apartado figuran accións coma a urbanización do espazo A Carballeira e acondicionamento de zona verde espazo O Regatiño, en Goián, e pavimentación do viario municipal TOM-036, no núcleo do Seixo.

Dentro do plan haberá dúas actuacións no eido dos equipamentos educacionais e deportivos, coma a construción dunha pista de atletismo na área de Mosteiro e a reforma do patio interior da escola infantil do Seixo.

Outras intervencións de interese son a reforma e mellora da accesibilidade no Salón de Plenos para que sirva ademais coma sala de usos múltiples (200.000 euros) e a instalación dunha cafetaría e servizos públicos no Espazo Fortaleza de Goián (123.000 euros).

A alcaldesa de Tomiño, Sandra González, salientou durante a presentación do plan, esta semana, ante os concelleiros da oposición, o esforzo do goberno local por temas tan importantes coma o saneamento, ao que se adica máis do 40% do investimento, a mellora de espazos públicos e a educación.

Publicado o 21 Mar 2016 en Infraestructuras, Tomiño.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies