• Segue conectado
  • |

O CIAC imparte dous obradoiros-roteiros de recoñecemento das herbas de San Xoán

O Centro de Interpretación Ambiental de Compostela (CIAC) súmase este mes á celebración do San Xoán con dous obradoiros-roteiros de recoñecemento das herbas de San Xoán, un para as pequenas e pequenos da casa e outro para todos os públicos. Serán o venres 22 e o sábado 23, respectivamente, ás 18:00 horas.

Compostela | Con este obradoiro-roteiro, o CIAC quere transmitirlle aos pequenos e ás pequenas da casa a importancia de conservar as tradicións e a sabedoría popular a través do coñecemento dos recursos que hai no noso entorno. Na véspera da noite de San Xoán, realizarase este obradoiro e roteiro para recoñecer as herbas utilizadas tradicionalmente na noite de San Xoán, descubrir algunhas das súas propiedades e buscalas pola contorna das Brañas de Sar.

Esta actividade, que comezará ás 18:00 horas, está dirixido a público familiar (a partir de 6 anos). A participación é de balde, pero é preciso inscribirse a través do teléfono 981 543 145 ou da dirección de correo electrónico ciac@santiagodecompostela.gal.

Tamén e preciso anotarse por estes medios para participar no obradoiro-roteiro do día seguinte, sábado 23, ás 18:00 horas. Neste caso, a actividade está dirixida a público xeral e consistirá nun obradoiro e roteiro para identificar as principais herbas que se utilizan tradicionalmente esta noite, deixándoas en auga ao orballo coa que lavarse á mañá seguinte.

Conta a lenda que a forza do solsticio de verán e o orballo desa noite atribúenlle un vigor especial e propiedades purificadoras a estas herbas. Así que tamén se poderán coñecer algunhas destas propiedades e os/as participantes irán á súa procura pola contorna das Brañas de Sar.

Publicado o 19 Xuñ 2018 en Santiago de Compostela.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies