• Segue conectado
  • |

En Marea esixe ao goberno que acabe coa discriminación que sofre Ourense no transporte por ferrocarril

Ánxeles Cuña Bóveda explicou que Ourense padece unha dupla discriminación, a tarifaria, porque é máis caro viaxar desde Ourense, e a das frecuencias horarias, porque hai menos viaxes disponibles desde a cidade

Ourense | Hai dúas discriminacións que está padecendo Ourense en relación co transporte ferroviario. A primeira delas é de carácter tarifario, posto que os prezos dos billetes para viaxar a outras cidades é máis caro para os ourensáns. A outra discriminación é coas frecuencias horarias. Pese a pagar máis por viaxar, os ourensáns dispoñen de menos frecuencias para poder viaxar a outras poboacións. En Marea pretende acabar con estas dúas discriminacións segundo explicou a deputada pola provincia, Ánxeles Cuña Bóveda, explicando unha proposta no Parlamento de Galicia que insta ao goberno a rematar con esta discriminación coa provincia.

Ánxeles Cuña explicou que Galicia é deficitaria nas “conexións interiores por tren” e que esta situación afecta especialmente a Ourense. A deputada por Ourense sinalou que En Marea “está pulando por conseguir que haxa unha articulación correcta das comunicacións por tren. Neste sentido, Cuña Bóveda explicou as dúas discriminacións que padece: “a horaria e a tarifaria”. No primeiro caso puxo o exemplo da comparación das frecuencias “entre Santiago e Coruña e as que pode ter Ourense con Santiago, tomando esta referencia, a diferenza con Ourense é inmensa”. “Ourense non chega á metade de servizos que as outras cidades”. Pese a ser esta unha discriminación importante, a deputada de En Marea considera que aínda é peor “o tratamento cualitativo que recibe Ourense”. Neste sentido, sinalou que a Ourense “se lle está aplicando o horario propio da longa distancia”. Esta consideración non é a máis “acaída para os usuarios de Ourense por máis que poida ser útil para Renfe”. As tarifas que aplica Renfe son a 4 para Ourense e a 6 para A Coruña, por exemplo, sen que polo uso esta distinción prexudicial para Ourense teña sentido.

En Marea reclama tres prioridades. A primeira é que en Ourense se cumpra que os medios de transporte públicos serven para dar cohesión social. Segundo, esixir a equiparación de todas as cidades galegas en canto a política de frecuencias e de tarifas no que ten que ver co tren, evitando as situacións de desigualdades como a de Ourense. Como terceiro punto, solicitar a ampliación das frecuencias horarias de Ourense para evitar a incomunicación da cidade e da provincia por ferrocarril.

Aprobación no Parlamento de Galicia

Neste mesmo sentido, o Parlamento de Galicia aprobou a moción presentada por En Marea na que se lle esixe ao goberno central unha equiparación das tarifas a nivel galego para evitar discriminación dos usuarios de tren de Ourense e unha ampliación das frecuencias de Ourense para mellorar a comunicación con Compostela e A Coruña.

Publicado o 2 Feb 2018 en Ourense, Portada.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies