Gondomar | A lectura proposta para o mes de novembro no club de lectura compartida Lendo Contigo de Espazo Lectura é “Lóbez”, de Antonio Yáñez Casal (Baía Edicións), e este sábado 23 de novembro os nenos e nenas de 7 a 11 anos que queiran achegarse á biblitoeca de Gondomar terán a oportunidade de coñecer o autor do libro e falar con el sobre a historia deste lobo que non sabía ouvear.
Durante a sesión escoitaranse ouveos, pero se se quere saber de onde proceden só se poderá descubrir alí mesmo… A cita é o sábado 23 de novembro, a partir das 12:00 horas, na Biblioteca de Gondomar.
