• Segue conectado
  • |

Gonzalo Caballero e Adrián Barbón avanzan “traballo conxunto” nos problemas comúns de Galicia e Asturias

Os dous dirixentes socialistas avanzan “tarefa en común” en cuestións como o despoboamento e as infraestruturas e para “acadar un país mellor”

Santiago/PSdeG | O secretario xeral do PSdeG, Gonzalo Caballero, mantivo hoxe en Santiago un encontro con Adrián Barbón, líder dos socialistas asturianos e presidente do Principado, e avanzaron “traballo conxunto” nos moitos problemas comúns das dúas comunidades.

“Despoboamento, envellecemento, dispersión”, citou Gonzalo Caballero, consciente tamén da importancia de que as comunidades no noroeste acheguen esforzos “para traballar polos avances sociais” e tamén polo desenvolvemento das infraestruturas.

Trátase, como dixo o máximo dirixente do PSdeG antes de trasladar os seus “parabéns” ao novo presidente asturiano, con quen estivo na súa toma de posesión, de “acadar un país mellor”.

Pola súa banda, Adrián Barbón agradeceu a recepción do líder dos socialistas galegos e chamou a colaborar para afrontar en conxunto “los muchos problemas comunes” de ambas comunidades autónomas. “Tenemos un importantísimo trabajo que hacer de cara al futuro”, apuntou.

“El reto demográfico, la transición ecológica, la despoblación que nos afecta de manera dramática, la reforma del sistema de financiación…”, enumerou, antes de poñer en valor o feito de “poder trabajar de la mano” por estas cuestións.

Valedora do Pobo
En paralelo, a preguntas dos xornalistas, Gonzalo Caballero criticou que Feijóo teña sido “cómplice do oscurantismo e das irregularidades” na institución do Valedor do Pobo durante máis dun ano, tralas sentenzas que invalidaron a contratación dunha familiar de altos dirixentes do PPdeG.

“Tivemos que facer unha presión continua para conseguir o cese efectivo da valedora”, subliñou o líder dos socialistas galegos, ao tempo que asegurou que o PSdeG “non obstaculizará” a renovación dunha institución pública que necesita “abrir unha etapa de rexeneración” tras esta etapa de “corrupción e ilegalidade”.

Publicado o 24 Xul 2019 en Política, Portada, Santiago de Compostela.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies