• Segue conectado
  • |

Galiza ceibe.

Moitas das persoas que consideran a Galicia o seu país, non se atreven a soñar nin a traballar e aínda menos a loitar por unha Galicia ceibe; pois moitas veces a xente non se permite o luxo de ter patria, xa que ten outras necesidades máis urxentes que satisfacer e non encontra a relación inmediata entre unha cousa e outra ou incluso ten medo a perder o que conseguiu con esforzo, se amosa unha actitude rebelde ante un poder que dista moito de ser verdadeiramente democrático e que en calquera momento pode tomar represalias. Porén si hai unha relación directa entre a nosa pobreza individual ou colectiva, a ruína e marxinación de Galicia en todos os eidos (materiais e lingüísticos e culturais) e a nosa dependencia política e económica do Estado español. O centralismo español afóganos, repímenos, átanos, espólianos e intimídanos. Mais Galiza vive porque hai quen resiste e traballa por ela a pesar de todo. Soñar cunha Galiza ceibe e soberana, democrática, xusta, solidaria e próspera (é dicir, socialista), está ben; pero aínda está mellor tentar converter en realidade ese soño, traballando ou apoiando a quen o pode facer posíbel paso a paso: o nacionalismo galego e o BNG en concreto, desde o seu compromiso responsábel e ambicioso coa nación e co pobo galego.

Xa o dicía Castelao: “o verdadeiro heroísmo consiste en transformar os desexos en realidades e as ideas en feitos”. E aínda vou escribir outra cita: “un pobo digno, valente non se rinde e non volve xamais á escravitude”: son palabras de Fidel Castro, un líder que nunca pensei que chegaría a citar…

Estos días hai unha ciclónese en Galicia, que chamaron Ana, e que trae proveitosas choivas. Será unha metáfora poética do noso destino?

Publicado o 9 Dec 2017.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies