• Segue conectado
  • |

A Federación de Comercio e Hostalería de Ponteareas pon en marcha a súa primeira campaña no Día da Nai

Baixo o lema ‘Raíña por un Día’ a campaña sorteará un único premio de 500 euros entre clientes que realicen as súas compras, entre o 26 de abril e o 7 de maio, nos establecementos adheridos á Federación de Comercio

Comercio

Ponteareas | A Federación de Comercio de Ponteareas desenvolverá, entre os días 26 de abril e 7 de maio, unha campaña de dinamización comercial con motivo da celebración do Día da Nai.

A campaña, dado que está dedicada ás nais, sorteará un único premio agasallo de 500 euros entre todos clientes que merquen nos establecementos asociados á Federación de Comercio e hostalería de Ponteareas.

O sorteo será o día 10 de maio, a gañadora decidirá o dia que queira disfrutar do premio nos diferentes establecementos que forman parte da Federación de Comercio, como por exemplo, perruquería, complementos, masaxes, roupa, bolsos, bixutería ou mesmo gozando dunha cea…

A presidenta, Rosa María Lopez, explicou que a campaña non só estará centrada en Ponteareas, senón que se fará extensiva ás comarcas do Condado e A Paradanta, para o que se dará a coñecer en todos os municipios dos arredores cumprindo, sinala Rosa Maria, “un dos obxectivos fundacionais da Federación que é devolverlle a Ponteareas o protagonismo comercial”.

A concelleira de Comercio, Inés Vidal, amosaba a súa satisfacción ante o feito de que “recen creada, a Federación de Comercio de Ponteareas traballa xa en iniciativas encamiñadas a dinamización do sector”.

Publicado o 27 Abr 2017 en Ponteareas.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies