• Segue conectado
  • |

Este luns abre o prazo para as novas quendas das visitas teatralizadas ao Castelo de Sobroso

Tralo éxito das catro sesións desta fin de semana que esgotaron as prazas nunhas horas, ábrese o prazo para novas quendas que terán lugar os días 23 e 30 de xuño ás 12 e 17 horas

Ponteareas | Este luns, 13 de maio, a partir das 9.00 horas abre o prazo para participar nas catro novas sesións das visitas teatralizadas ao Castelo de Sobroso que terán lugar ás 12 e 17 horas os días 23 e 30 de xuño. En total, a Deputación de Pontevedra oferta 80 novas prazas que se cubrirán por rigoroso orde de chegada da solicitude ao correo electrónico paseapontevedra@gmail.com.

As visitas teatralizadas ao castelo de Sobroso comezaron esta fin de semana cun cheo absoluto e coas 80 prazas cubertas nunhas poucas horas dende a apertura do proceso de inscrición. Por mor deste motivo a Deputación de Pontevedra impulsou catro novas sesións para as 12 e 17 horas dos días 23 e 30 de xuño que se ofertarán, en primeiro lugar, ás persoas que quedaron sen praza nas primeiras quendas das visitas. As prazas restantes poranse a disposición das persoas interesadas a partir deste luns e cubriranse cos primeiros correos que cheguen a paseapontevedra@gmail.com. Neste eido, as e os interesadas/os nas novas quendas das visitas teatralizadas ao Castelo de Sobroso deberán indicar no correo electrónico o nome e apelidos, o DNI e o teléfono de contacto.

Durante a visita ao castelo de Sobroso, tal e como tivo lugar esta fin de semana, a pantasma Sancha será a encargada de guiar a actividade. En liñas xerais trátase dunha visita dinámica e participativa, na que as persoas deberán axudar a Sancha a cumprir o seu soño: escapar do castelo para viaxar. Deste xeito, as familias realizarán unha ruta polos muros da fortificación para buscar os obxectos agochados no Castelo que Sancha precisa para marchar. Mentres se percorre o recinto á procura dos obxectos para Sancha, as persoas participantes na actividade coñecerán da man da pantasma as historias do castelo e tamén das persoas que o habitaron.

Publicado o 12 Mai 2019 en Ponteareas, Portada, Turismo.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies