• Segue conectado
  • |

Cursos intensivos para potenciar o tecido comercial, empresarial e hostaleiro

A concellería de Comercio ofrece cursos de balde sobre marketing e técnicas de venda dirixidos a empresas, profesionais e autónomos

Ponteareas | A concellería de Comercio, Hostalaría e Consumo, que dirixe Inés Vidal, informa a todos os e as comerciantes, hostaleiros, empresarios e emprendedores de Ponteareas que se abre o prazo de inscrición para os cursos de formación que se ofrecerán totalmente de balde ao longo do mes de abril e maio.

Baixo o nome “Caixa de Ferramentas”, Inés Vidal ofrece cursos prácticos e necesarios para o desempeño do traballo diario dirixidos a empresas, profesionais e autónomos que permitan profesionalizar estes sectores. Os participantes poderán asistir a todos os cursos ou somentes aos que decidan.

Co obxectivo de apoiar ao comercio, empresario e hostaleiro local e de facelos máis competitivos, o vindeiro luns día 29 de abril haberá un curso intensivo de catro horas de “Enxeñería ilusionista” a cargo do enxeñeiro José María Maroto da Universidade Pontificia de Comiñas. Neste curso definiránse dous ou tres obxectivos concretos imposibles e deseñaránse estratexias viables para acadalos.

O 6 de maio José María de la Torre Maroto baixo o título “A mellor ferramenta para vender” ofrecerá un curso de 16:30 a 20:30 horas con exemplos prácticos de consecución de obxectivos e traballo grupal.

O 24 e 31 de maio Patricia Maquieira asesora de imaxe comercial impartirá o curso “Maxia para vender” de 20 a 22:30 horas con contidos como fidelización de clientes, planificación de marqueting, posicionamento de marca, formación de persoal, coordinación de actividades no punto de venta ou o redeseño do establecemento entre outras temas.

O 27 de maio o avogado Alberto Viejo Puga falará da nova lei de protección de datos de 19:30 a 21:30 horas deixando claro as obrigas cunha metodoloxía práctica moi amena e útil.
Xerar ideas, acadar obxectivos, promover o comercio ou incentivar as vendas son algúns dos propósitos destes cursos nos que os e as interesadas poden inscribirse dende hoxe no número de teléfono 682 82 46 05 en horario de 9 a 14 horas.

Organizado e financiado pola concellería de Comercio en colaboración con Banastra que será a encargada da recoller a inscrición, estes cursos serán intensivos impartidos nunha soa tarde para que os asistentes tan só teñan que dispor de media xornada laboral para a súa formación.

“A intención é dotalos de recursos para incrementar as vendas e ofrecer máis calidade aínda no servizo. Para facilitarlles a súa formación os cursos desenvólvense na súa vila de xeito que non teñan que invertir tempo en desprazamentos. Dispor de formación ao pé do seu negocio é imprescindible para ocasionar o menor trastorno no seu día a día”, engade a concelleira Inés Vidal.

Os talleres impartiránse para vinte alumnos/as e inclúen o material necesario para o seu correcto desenvolvemento, ademais do diploma acreditativo.
Os obradoiros desenvolveránse no auditorio municipal Reveriano Soutullo, na sala multiusos.

Publicado o 11 Abr 2019 en Educación, Ponteareas, Portada.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies