• Segue conectado
  • |

Curso de Socorrismo en Bueu

Bueu | Un total de dezaseis alumnos e alumnas comezaron este luns o curso de socorrismo que organiza o Concello de Bueu. As clases teóricas vanse celebrar ata o 31 de maio na Escola Náutico Pesqueira de Bueu, e as prácticas serán na Escola Naval Militar de Marín.

As dezaseis persoas participantes resultaron seleccionadas despois de ter pasado as probas o xoves pasado na piscina A Balea de Cangas, nas que se someteron a unha proba física de natación e a unha entrevista persoal.

 

O curso conta cunha duración de 420 horas lectivas coas que se pretende ampliar a formación dos socorristas de cara á tempada estival dadas as deficiencias de persoal en moitos dos areais.

Esta formación faise ao abeiro dunha subvención concedida polo Grupo de Acción Local da Ría de Pontevedra xunto ao Concello de Marín, e nace tras as múltiples reunións mantidas a respecto da necesidade de desenvolver un plan intermunicipal de emprego e formación no sector do mar. O GALP concedeu unha subvención por importe de 31.429 euros para este curso que busca abrir as oportunidades dos que queren dedicarse ao socorrismo das praias.

Publicado o 1 Mar 2017 en Bueu.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies