• Segue conectado
  • |

Concello e Rock in Rio Tea confirman a Heredeiros da Crus como cabeza de cartaz

Por vez primeira esta histórica banda de rock en galego actuará en Ponteareas o 20 de xullo

Ponteareas | O concello de Ponteareas e a organización da sétima edición do Rock in Río Tea presentan ao grupo cabeza de cartaz do mellor festival de rock gratuíto. Financiado polo concello de Ponteareas, Heredeiros da Crus será o prato forte deste encontro co rock no que todos serán primeiros pratos cargados de ritmo de guitarra, baixos e baterías.

O sábado 20 de xullo na Feira Vella e totalmente de balde cita co rock galego máis importante da historia. A propietaria de ducias de himnos gravados a lume nunha xeración de galegos e galegas nunca antes tiña pisado un escenario en Ponteareas.

“Un feito incomprensible, unha anomalía histórica, case unha afronta para o Rock in Río Tea, que este ano corrixiremos. Porque ademais os Heredeiros están moi en forma, e arrasan nos festivais máis importantes, convertindo cada concerto nun acontecemento único, nunha festa total que consigue poñer a todo o público do revés, debuxándolles un sorriso que dura días. Unha festa que non sería posible sen a colaboración do Concello de Ponteareas que segue a apostar polo Rock and Roll”, explican os organizadores.

O alcalde, Xosé Represas, que participou convidado pola organización do Festival na presentación do cartaz xunto aos componentes da mítica banda galega de rock, Maneiro e Tonhito de Poi, agradeceu o esforzo dos organizadores do festival que volverán presentar un cartaz de luxo do que toda a cidadanía poderá gozar totalmente de balde.

Nas vindeiras semanas seguirán anunciándose bandas que completarán o cartaz ata un total de 8 bandas para o fin de semana do festival ao que se unirán as actuacións do rock na rúa.

O Concello de Ponteareas apoia este festival que congrega na Feira Vella a un público chegado de toda Galicia e norte de Portugal atraído pola música rock e polo ambiente festivo.

Publicado o 27 Mar 2019 en Cultura, Ponteareas.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies