• Segue conectado
  • |

Carballo acollerá o día 12 un obradoiro de prevención da saúde para persoas coidadoras

Carballo | A Concellería de Igualdade e Benestar, a través do programa Cóidame-Cóidate da Obra Social de La Caixa, ofrece ás persoas coidadoras a posibilidade de asistir o vindeiro martes 12 a un obradoiro de prevención da saúde. A escola de costas trata de mellorar a calidade de vida das participantes, que deste xeito poderán, ademais, prestar unha asistencia máis eficaz e de maior calidade ás persoas dependentes.

Os obradoiros permiten constatar a situación de desprotección na que se atopan as persoas coidadoras, desbordadas pola inxente cantidade de traballo de toda índole que deben asumir a diario, case sempre en solitario. Esta sobrecarga de traballo agrávase polas doenzas derivadas do gran esforzo físico e polo escaso recoñecemento, a pesares do seu extraordinario labor.

Neste sentido, o programa combina ferramentas de auto-confianza e motivación con sesións de prevención da saúde nos que se formará ás persoas participantes nas principais técnicas de mobilización de persoas dependentes, fomentarase o uso das axudas técnicas, ofreceranse pautas para previr a aparición de patoloxía músculo-esquelética e normas básicas se hixiene postural para aplicar na vida diaria.

O obradoiro desenvolverase de 10.00 a 13.00 horas no salón de actos do segundo andar do Pazo da Cultura. As persoas interesadas en participar poden inscribirse no 981704706 ou pasar polo edificio de servizos sociais (antigo ambulatorio).

Publicado o 9 Dec 2017 en Carballo.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies