• Segue conectado
  • |

As nadadoras Iria Lemos e Sofía Carballo, subcampioas de España Alevín

Ponteaeras | A concellería de Deportes, Nahir Covelo, en nome de todo o goberno comprácese en felicitar, unha vez máis, ao Club Natación Ponteareas polo novo triunfo acadado a pasada fin de semana no Campionato de España Alevín.

O Club estivo representado por un equipo de catro nadadoras, Iria Lemos, Sofía Carballo, Inés Borge e Uxía González que conseguiran as marcas mínimas para participar neste campionato no que compiten as mellores nadadoras e nadadores do estado español entre 12 e 13 anos de idade.

As nadadoras do Club Natación Ponteareas conseguiron en Tarragona a prata e estiveron moi preto do bronce en distintas modalidades. Sofía Carballo fíxose coa medalla de prata e convertíuse en subcampioa de España en 100m. Braza e Iria Lemos subcampioa de España en 200m. Libres, acadando ademais as dúas o récord galego de 13 anos da proba e a súa mellor marca persoal.

Trala desputa das súas probas individuais e dos relevos de 4*100 e 200m libres e 4*100m. Estilos, relevo este último no que quedaron a menos de medio segundo da medalla de bronce, conseguindo finalizar na clasificación final nun 5º posto dos 117 equipos femininos que competían no campionato.

O Club salienta a capacidade destas nadadoras para fortalecerse ante as adversidades.

A nivel individual conseguiron superar varias marcas persoais rozando o podium en moitas ocasións.

“Sabemos que a experiencia vivida deixará pegada nestas nadadoras polo que supón unha cita deste prestixio para a súa formación e o seu futuro na natación”, explica o director técnico no nome de toda a directiva, agradecendo sempre o apoio de todo o club, dos seus deportistas e das súas familias e amigos.

,

Publicado o 24 Xul 2019 en Ponteareas, Portada, Xuventude.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies