• Segue conectado
  • |

Aprobado no pleno o proxecto de reforma da Praza Bugallal

O goberno prevé a realización da obra despois de Corpus

Ponteareas | O goberno de Ponteareas aproba no pleno o proxecto de intervención na praza Bugallal e a súa contorna. Un proxecto que contempla unha actuación integral que perdure no tempo realizando actuacións non só estéticas e de distribución do espazo se non tamén de canalización de subministros e de servizos de saneamento.
As obras da praza Bugallal serán licitadas en canto se reciba a autorización da xefatura territorial da consellería de Cultura e Turismo que xa ten dende o mes de febreiro os informes técnicos e o proxecto definitivo e executadas unha vez pase a festividade do Corpus.

Logo dun proceso de participación no que se estudou detalladamente o proxecto coa veciñanza, parroquia, alfombristas e comerciantes, realizáronse modificacións no proxecto inicial que satisfan todas as necesidades e permiten unha actuación máis eficaz.

Nestes meses tamén se realizaron catas para analizar o subsolo de xeito que o proxecto tamén contempla todas as actuacións necesarias como conducións de saneamento, augas pluviais e demais servizos soterrados para que unha vez feita a obra non se precise acceder en moitos anos.

A reforma da praza Bugallal contempla a canalización e ocultación de cableado e tubaxes dos diferentes subministros.

A obra terá un custo de 770.000 euros e conta con financiación do fondo europeo de desenvolvemento rexional (EEDER) da Unión Europea, dentro da estratexia “Ponteareas, hábitat saudable”.

Publicado o 17 Abr 2019 en Ponteareas, Portada, Urbanismo.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies