• Segue conectado
  • |

Aberta ata o 30 de abril a participación para decidir os usos dun futuro equipamento na Praza Maior

Ponteareas | A veciñanza de Ponteareas participou nos dous obradoiros de traballo que se celebraron no salón de plenos do Concello, como continuación do proceso participativo iniciado para a recollida de propostas e ideas, coas que dotar de usos e servizos, un futuro equipamento no entorno da Praza Maior, a través da rehabilitación e posta en valor, dalgún dos edificios actualmente abandonados que alí se ubican.

Para facilitar a participación ofreceuse un horario de mañá e outro de tarde nun acto de carácter aberto á cidadanía no que aparte de presentar e comentar os resultados dos primeiros cuestionarios online recibidos na web municipal, a través da ligazón participacioncidada.com/ponteareas, tamén se debatiron outras suxerencias e propostas relativas ao proceso de identificación e recollida dos posibles usos futuros que acollerá o equipamento anteriormente mencionado.

Dende o equipo redactor seguen animando aos veciños e persoas interesadas, en sumar as súas opinións ás perto de 90 enquisas online recabadas, a través do enderezo participacioncidada.com/ponteareas, e lembran que esta consulta dixital está aberta ata o 30 de abril aquí.

Publicado o 24 Abr 2019 en Participación Cidadá, Ponteareas, Portada.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies