• Segue conectado
  • |

“A viaxe de Feijóo a Bruxelas só é para vender fume e non dar a cara en Galiza”

A eurodeputada do BNG anuncia que manterá un encontro coa comisaria de Transporte o vindeiro 26 de xuño

Vigo | A eurodeputada do BNG, Ana Miranda, referiuse a visita que o presidente da Xunta de Galiza está realizando en diversas institucións europeas e ao respecto considerou que só vén a Bruxelas “para vender fume” e non dar explicacións en Galiza sobre temas tan relevantes como os documentos sobre a fusión das caixas.

“Como é posible que veña a falar do corredor atlántico de mercadorías cando aínda non se presentou a proposta ao goberno de Rajoy? E como é posible que veña a facer fotografías ao Parlamento Europeo cando con que se debería estar reunindo é coa comisaria de Transporte”, manifestou Miranda, quen anunciou que como eurodeputada ten prevista unha xuntanza o vindeiro 26 de xuño coa comisaria Violeta Bulc.

Para a eurodeputada nacionalista, con este viaxe a Bruxelas Feijóo só pretende “fuxir non dar a cara e vender un tren que aínda non saíu porque aínda non está presentada a proposta nin en Madrid”. Ao seu xuízo, o presidente da Xunta só trata de poñer o foco de atención na capital europea sen enfrontarse as cuestións que lle atinxen directamente e polas que debería dar a cara en Galiza.

Ana Miranda criticou ademais que o presidente da Xunta non contactase cos eurodeputados e eurodeputadas galegas, o cal ao seu xuízo supón unha “falta de respecto institucional”. ”Dende o BNG non entendemos como non se reuniu coa comisaria de TRansporte, que é quen realmente pode decidir sobre ese dosier chegado o momento”.

“Quero lembrarlle ao presidente da Xunta que as propostas van entrar no Parlamento mediante a chamada revisión da rede transeuropea de transporte, pero é polo Parlamento Europeo por onde teñen que pasar co cal debería contactar cos eurodeputados galegos”, subliñou.

Publicado o 19 Mai 2018 en Aldea Global, Portada.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies