• Segue conectado
  • |

A Corporación debaterá este martes a aprobación do convenio coa Xunta e ADIF para a execución da pasarela da intermodal

Na mesma sesión deberá aprobarse a rectificación do anexo de investimentos plurianuais dos orzamentos de 2018, que incluía un erro na partida prevista para esta obra no ano 2019.

Santiago de Compostela | A Xunta de Goberno aprobou hoxe a corrección dese erro, polo que na proxección orzamentaria da actuación figuraba unha partida de 721.800 euros para a obra en 2019, e non os 1.291.800 euros contemplados no convenio. O alcalde reiterou hoxe que “durante o proceso de negociación do convenio as cifras foron variando, e a incluída nos orzamentos de 2018 era a que figuraba nun borrador do acordo que posteriormente fora modificado”. Martiño Noriega lembrou ademais que “o único orzamento en vigor é o deste ano, e as proxeccións orzamentarias para vindeiros exercicios non deberan impedir a aprobación do convenio por parte de todas as administracións implicadas”.

O convenio que podería aprobar a Corporación municipal o próximo martes xa foi ratificado polo Consello de Ministros no pasado mes de abril. Trátase do acordo para a execución da plataforma peonil vinculada á intermodal, que comunicará a estación do ferrocarril coa de autobuses e que, ao tempo, mellorará a conectividade entre o Ensanche e o barrio de Pontepedriña. O proxecto ten un custo estimado de 5,9 millóns de euros, dos que o Concello achegará 1,7 millóns de euros. A achega da Xunta será idéntica á municipal, e ADIF financiará, con fondos europeos FEDER, 2,3 millóns de euros.

Publicado o 12 Mai 2018 en Santiago de Compostela.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies