• Segue conectado
  • |

A Concelleira de Persoal asegura que o Concello cumpre “escrupulosamente” coa Lei de Protección de Datos

A concelleira de Economía e Facenda, Persoal e primeira tenente de alcalde, Belén Villar González, asegurou hoxe que “o Concello cumpre escrupulosamente coa Lei en materia de protección dos datos persoais dos seus traballadores”. Deste xeito, a responsable de Persoal contestaba á CIG que acusaba ao concello de poñer en mans dunha empresa externa, datos confidenciais dos seus traballadores.

Belén Villar


Belén Villar volveu a incidir en que a empresa externa á que alude o sindicato nacionalista, realiza “única e exclusivamente asesoramento en consultas puntuais en materia fiscal e tributaria”. Os constantes cambios que se producen nestas materias, asegura Belén Villar “obrigarían a ter unha persoa realizando constantes cursos de reciclaxe nesas materias” esta dispoñibilidade dunha persoa que debería contar, de partida, con coñecementos en materia fiscal e tributaria, “suporía para as arcas municipais un desembolso maior que o que supón contar con este asesoramento externo cunhas facturas que non superan os 1.800 euros anuais”.
A Concelleira recomendou á CIG que centre os seus esforzos “en axudar a concienciar aos traballadores municipais (moitos deles afiliados ao sindicato nacionalista) a rendibilizar o seu traballo e a diminuír as baixas laborais que lle supoñen ao concello máis de 500.000 euros anuais”.
Finalmente, Belén Villar, non considera que a CIG sexa quen para darlle consellos sobre como realizar o seu traballo e como desenvolver una política eficaz de aforro xa que, afirmou “esta concelleira ten ben claro cal é a liña a seguir para para sanear as arcas municipais e optimizar o funcionamento do Concello”.

Publicado o 18 Xan 2012 en Condado, Política, Ponteareas.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies