• Segue conectado
  • |

Unha revisión de postos de traballo (RPT) do concello de Mos, cutre e caciquil

MOS/BNG | Xa se leva falando desde hai anos da necesidade da revisión da RPT ( relación de postos de traballo) no concello de Mos, unha revisión que actualizaría os complementos que cobran os traballadores, as funcións que realizan e os postos que formarían a plantilla municipal.

“Só feita para as necesidades do PP”

Como todo o que toca o PP, de ser un valioso instrumento, pasa a ser unha revisión cutre, caciquil e sometida aos intereses do equipo de goberno. Tanto aos representantes dos traballadores coma a oposición, se nos traslada a documentación a mediados do mes de outubro. Esto xa demostra a pouca gana de negociar algo que ten este goberno.

Novas do Eixo Atlántico -  Concello de Mos

Nalgún caso adáptase a RPT á lei actual ( no caso de Tesorería), e sobre todo o que se fai é solucionar o problema que ten o goberno por darlle gratificacións de productividade a certos traballadores, creando para eso uns novos postos de traballo que podemos cheirar que xa teñen nome e apelidos.

Non se comprende por parte de case ninguén, as presas que corren agora por aprobar esta RPT, unhas presas que esconden a incapacidade dun goberno que está en permanente campaña nos medios de comunicación, e que fai unha política valeira de contido.
O goberno só revisa as funcións e retribucións daqueles postos que lle interesa , sen tempo para negociar nin facer cambios máis profundos. Chegando inclusive a crear unha plaza para que cando unha funcioanria que é concelleira do PP , deixe de selo, poda ter un retiro acorde aos servizos prestados ao partido, unha vergonza. O BNG por suposto com estes antecedentes vai votar en contra desta RPT caciquil.

O día a día no concello demostra a cutrez e cheiro a reseso que desprende este goberno do PP. Moita foto, moito repetir mil veces a mesma noticia, pero no fondo non hai nada consistente.

Publicado o 25 Nov 2015 en Mos, Traballo.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies