• Segue conectado
  • |

Salceda e a Asociación de Autónomos e Pequenas Empresas asinan un convenio de colaboración

Coa sinatura deste convenio, as dúas entidades traballarán conxuntamente para conseguir unha maior capacitación profesional do colectivo de autónomos, potenciando dese xeito a actividade do comercio local en Salceda

Convenio Autónomos e Pequenas empresas

Salceda de Caselas | O Concello de Salceda de Caselas e a Asociación de Autónomos e Pequenas Empresas de Galicia (APE) asinaron un convenio de colaboración para a posta en marcha de xornadas de formación, asesoramento… para o colectivo de autónomos do municipio. O documento asinouse no Concello de Salceda, por parte de Jose Ramón Caldas Martínez (Presidente de APE) e Marcos Besada (Alcalde de Salceda). Estiveron tamén presentes Sonia Acuña por parte de APE e Loli Castiñeira, Concelleira de Formación e Emprego de Salceda de Caselas.

Así, por parte da APE ofrécese asesoramento técnico, xurídico, fiscal e laboral a traballadores/as autónomos/as e pequenas empresas, así como a elaboración de informes, proxectos, eventos… de interese para o colectivo. Pola súa banda, o Concello pon a disposición de APE as instalación precisas para levar a cabo as actividades, así como os medios materiais e humanos precisos, establecendo o tipo de colaboración precisa en cada unha das iniciativas que se leven a cabo.

Coa sinatura deste convenio, as dúas entidades traballarán conxuntamente para conseguir unha maior capacitación profesional do colectivo de autónomos, potenciando dese xeito a actividade do comercio local en Salceda. Levaranse a cabo tamén iniciativas de fomento do autoemprego, promovendo así mesmo a integración nesta modalidade de ocupación das persoas con capacidades distintas.

O Concello de Salceda contaba, a 31 de decembro de 2016, con 693 traballadores/as autónomos/as, aos que irán dirixidas as acción que se poñan en marcha.

Loli Castiñeira, Concelleira de Emprego: “O autoemprego está a ser un modelo ao que cada vez máis acuden os nosos veciños e veciñas, polo que é preciso ofrecerlles as ferramentas das que poidamos dispoñer para fortalecer este tecido de vital importancia en Salceda. Dende o CDL do Torrón seguimos a ofertar novos servizos cada día, neste caso tamén para os autónomos”.

Marcos Besada, Alcalde de Salceda: “Coa sinatura deste convenio, ou con servizos que solo se ofertan no noso Concello, como é o caso da Aula Mentor, seguimos a poñer a Salceda como referente en toda a comarca nas políticas de emprego e formación”.

Publicado o 22 Mai 2017 en Salceda.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies