• Segue conectado
  • |

Premios Mondariz á conservación e rehabilitación arquitectónica

 

Mondariz | O Concello de Mondariz vén de convocar a segunda edición dos ‘Premios Mondariz á conservación e rehabilitación arquitectónica’ que buscan, como obxectivo básico a protección e posta en valor do patrimonio arquitectónico do municipio.
Mondariz convertíase o pasado ano, no primeiro concello de Galicia en desenvolver un certame destas características, e o facía da man dun dos máis prestixiosos arquitectos galegos, como é o pontevedrés César Portela que ostenta, entre outros moitos recoñecementos, o Premio Nacional de Arquitectura. O ilustre arquitecto non dubidaba en asegurar que “esta é unha idea que deberían imitar todas as administracións2.
Daquela, o alcalde de Mondariz, Xoán Carlos Montes Bugarín, deixaba ben claro que o certame nacía “cunha clara vocación de continuidade” xa que, explicaba o rexedor municipal, “o futuro de Mondariz pasa por reencontrarse co seu pasado” e nada mellor para ese reencontro, que manter, conservar e poñer en valor a arquitectura tradicional dos nosos antepasados.
A conservación e rehabilitación da arquitectura tradicional amósase como unha das mellores ferramentas para revitalizar e manter o patrimonio dun municipio xa que non só conseguen a restauración do inmoble que se presenta a concurso, senón tamén do entorno en que se insire.
O prazo de presentación de propostas, que teñen que ser necesariamente proxectos realizados durante o pasado ano 2016, rematará o 28 de febreiro.

Publicado o 25 Xan 2017 en Mondariz.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies