• Segue conectado
  • |

“Paseantes”, unha oferta musical ecléctica para as rúas da cidade este vernes e sábado

“Paseantes”, unha oferta musical ecléctica

PONTEVEDRA | Esta fin de semana o centro histórico de Pontevedra acollerá unha nova proposta da programa de festas: Paseantes, centrada en distintos estilos musicais e que busca a sorpresa das persoas que gocen da cidade nos momentos en que se celebren estas actuacións. Celebrarase o venres e o sábado dende a mañá até a noite en distintos espazos do centro histórico para escoitar dende ópera a swing, jazz ou música tradicional.

A concelleira de Festas, Carme da Silva explicou que é un programa no que o Concello leva traballando máis de un ano, que nesta ocasión está prevista para dúas xornadas, “pero a idea é que se consolide e vaia medrando”.

Xunto a Carmen da Silva estaban os colaboradores do programa Cristina González e Diego Parajó que explicaron que Paseantes é unha perfecta ferramenta de dinamización da rúa a través da música coa posibilidade de abrir á rúa a distintos estilos musicais.

A selección escollida para esta primeira edición é ecléctica coa obxectivo de sorprender aos viandantes con propostas sinxelas pero atrevidas.

Na súa presentación destacouse a oportunidade de dar unha funcionalidade cultural ao modelo de cidade, xa que na participación e na convivencia que promove Pontevedra encaixan perfectamente propostas como Paseantes.

Os grupos e autores escollidos para participar nesta primeira edición son Trilitrate, Fátima Baña, Mr. Cool, Miguel Abalo e Víctoria Álvarez, Nacho Pérez Cuartet, Jesús Vidal, A máquina de meter medo, Davide Salvado, Reyner Aldana Trío e Alfombra voadora, e achegaranse a estilos musicais como música contemporánea, tradicional, swing, electrónica, fusión, jazz ou ópera entre outras.

Publicado o 29 Xul 2015 en Axenda, Pontevedra, Portada.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies