O estado de saúde de Fraga é preocupante

O estado de saúde do ex presidente da Xunta Manuel Fraga experimentou ”un empeoramento nos últimos días”, segundo confirmaron fontes do PP. O presidente de honra dos populares, de 89 anos, está a ser tratado en Madrid dunha pneumonía, segundo informan as axencias de novas. Desde as filas conservadoras aseguran que se espera que o ex mandatario se recupere pronto desta doenza.
Segundo as primeiras informacións, Fraga convalece no seu domicilio en Madrid, acompañado de todos os seus fillos.
As mesmas fontes precisaron que, ante o agravamento de saúde, tamén nos últimos días visitaron ao político galego varias das súas irmás.
Ao parecer, Fraga padece un catarro desde o pasado 1 de xaneiro, o mesmo foise agravando ata producirlle a citada pneumonía.