• Segue conectado
  • |

O deseñador Jose Mateos presentou “Extreme” na Casa coas propostas para a primavera verá do 2013

Desfilaron unha vintena de modelos para mostrar a nova colección dentro da Mercedes Benz Fashion Week de Madrid (antes pasarela Cibeles)

Imaxe do final do pase, con todas as modelos desfilando

Madrid | Unha vintena de modelos, (nacionais e internacionais) de varias axencias, desfilaron o pasado día 3, polas diferentes dependencias da Casa de Galicia, incluíndo a escaleira, e mostraron a nova colección “Extreme” do deseñador galego Jose Matteos ante medios e profesionais do sector, dentro da Fashion Week (antes Pasarela Cibeles) que se celebra en Madrid estes días. Os creadores participantes neste evento apostan por variados espazos e Matteos solicitou a Casa porque “sobre todo me encantou a escaleira”. Neste sentido, o delegado da Xunta e director da Casa, José Ramón Ónega puxo de manifesto nas súas palabras de presentación e benvida o apoio que o sector merece dende as institucións, e “este desfile enmarcase perfectamente dentro das diferentes actividades que acollemos para promover todo o económico e cultural que chega de Galicia á capital de España”.

Para a posta en escena, Matteos encargou a maquillaxe e o peiteado á empresa lucense Attelier que desprazou a Madrid dez empregadas para tal efecto. “A novidade en maquillaxe é a incorporación do aerógrafo e as plantillas tanto para elas coma para eles”, dixo Loly Portela, do centro de estética, “e en relación ao peiteado a tendencia son as trenzas desfeitas. Matteos non busca a perfección e prefire un estilo que semelle descoidado, sen selo.

A colección de Matteos, de mercado case exclusivamente exterior, é de inspiración oriental “de liñas e cortes moi sutís que xogan co detalle de liños, algodóns orgánicos e delicados bordados florais como materia prima”, mantendo os encaixes de Camariñas dentro dos elementos tradicionais. Conta ademais con pezas unisex, todo iso dirixido a un tipo de público cosmopolita e de vangarda. No caso deles, “con predominio do gótico”.

Publicado o 8 Set 2012 en Aldea Global, Portada.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies