• Segue conectado
  • |

O alcalde e o conselleiro de Sanidade analizan a futura ampliación do CHUS

Santiago de Compostela | O alcalde mantivo unha reunión co conselleiro de Sanidade, na que abordaron as actuacións derivadas da construción da nova Facultade de Medicina e Odontoloxía. Martiño Noriega mostroulle a Jesús Vázquez Almuíña a disposición do Concello a colaborar no que sexa necesario durante a ampliación do Complexo Hospitalario Universitario de Santiago e a reordenación do Hospital de Conxo e do Gil Casares.

Na xuntanza o alcalde e o conselleiro de Sanidade falaron da necesidade de planificar conxuntamente a mellor accesibilidade á zona hospitalaria, e analizaron as posibles opcións de aparcadoiros no ámbito do CHUS, que serán contempladas no planeamento urbanístico do Concello.

Antes de licitar o proxecto, vaise redactar un plan sectorial para analizar a zona, desde o punto de vista da edificabilidade, a urbanización e o tráfico. En paralelo, a Xunta traballará para sacar a concurso a obra da Facultade de Medicina. A remodelación do Complexo Hospitalario Universitario de Santiago afectaralle a unha superficie duns 15.000 metros cadrados, e a Xunta prevé destinar a esta actuación uns 20 millóns de euros.

Publicado o 20 Mai 2017 en Santiago de Compostela.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies