• Segue conectado
  • |

O Concello de Ourense mobilizará 4 millóns de euros en obras de rehabilitación

Grazas á subvención de 1.384.000 euros para as catro Áreas de Rehabilitación Integral da cidade

Ourense | O Concello mobilizará 4 millóns de euros en obras de rehabilitación grazas á subvención de 1.384.000 euros para as catro Áreas de Rehabilitación Integral (ARI) da cidade. Estas zonas delimitadas son Seixalbo, Casco histórico, Polvorín-Camelias-A Carballeira e Serra San Mamede-Cruceiro Quebrado-A Inmaculada. Poderán beneficiarse das axudas os propietarios de vivendas e edificios de vivendas emprazadas no ámbito das ARI que as rehabiliten.

No pleno extraordinario urxente aprobouse cos votos a favor de PP, DO e PSOE (e a abstención de OUeC) asinar os convenios de colaboración entre o Ministerio de Fomento, o IGVS e o Concello de Ourense en materia de actuacións nos ARRU do Casco histórico de Ourense (15ª fase), ARRU do NIE de Seixalbo (10ª fase), ARRU do Polvorín, Camelias e Carballeira (4ª fase), e ARRU de Serra San Mamede, Cruceiro Quebrado e Inmaculada (2ª fase).

Dos 1.383.739,19 euros destinados para as ARRU da cidade, o Concello de Ourense aportará 18.571,40 euros (4.642,85 euros por cada un dos convenios).

“Estamos a falar de melloras substancias en accesibilidade, aillamento e mellora de fachadas, entre outras obras que se poden acoller a esta liña de axudas, fundamentais para mellorar as condicións de habitabilidade de centos de familias na nosa cidade”, sinalou o alcalde, Jesús Vázquez.

Publicado o 31 Out 2017 en Ourense, Urbanismo.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario. Si continúa navegando está a dar seu consentimento para a aceptación das mencionadas cookies e a aceptación da nosa política de cookies. Faga click no enlace para maior información. ACEPTAR

Aviso de cookies