• Segue conectado
  • |

As novas tecnoloxías e os zombies desembarcan en PonteVerán 2018

Chega unha nova edición do programa de ocio alternativo para a mocidade que promove a Concellería de Xuventude

Pontevedra | Un programa de ocio alternativo, lúdico-formativo para a mocidade, cunha oferta de actividades moi variada e baseado en valores de convivencia, igualdade, respecto ao ambiente, promoción da actividade física e de coñecemento do patrimonio cultural. Nestes termos falou Alberto Oubiña, concelleiro de Xuventude, de PonteVerán durante a presentación da programación para este ano.

“Calidade, cantidade e diversidade” definen a PonteVerán, resume Alberto Oubiña

Campamentos e estadías; actividades culturais, deportivas e no medio natural, actividades formativas e actividades específicas no Local de música artellan a programación de PonteVerán, que este ano chega con novidades e unha cita terrorífica: o 31 de xullo, mozos e mozas de 16 a 35 anos farán de Pontevedra “Terra de zombies”.

Segundo explicou Alberto Oubiña nesta edición “atendendo a demanda que temos dende hai tempo” incorpórase á oferta de PonteVerán varios obradoiros e cursos relacionados coas novas tecnoloxías (de robótica, holografía e VR,…). Non hai que esquecer, engadiu o concelleiro de Xuventude, que “xa temos máis dunha xeración nativa dixital”.

O programación de PonteVerán vai dirixida a nenos/as e mozos/as de 8 a 35 anos. As máis das actividades son gratuítas xa que “as cuestións económicas non deben ser razón para non participar”, sinala Oubiña.

As solicitudes para participar nas actividades de PonteVerán poden facerse a partir do 11 de xuño en: apuntate.pontevedra.gal

Publicado o 7 Xuñ 2018 en Pontevedra, Xuventude.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies