• Segue conectado
  • |

A militancia de Compromiso decidirá o 17 de abril a forma de concorrer ás eleccións galegas

NDEA_COMPROMISO_MARZO_2016_MEDIOS

Santiago de Compostela | O Consello Político Nacional de Compromiso por Galicia fixou  o 17 de abril como data e Santiago de Compostela a cidade para a celebración da Convención Nacional na que a militancia decidirá como concorrerá a formación galeguista nas vindeiras eleccións galegas.

Ademais, o Consello Político Nacional aprobou unha proposta de criterios programáticos para concorrer aos comicios galegos. Esta proposta será debatida polos militantes na convención e a partir de aí elaborarase a proposta programática para as eleccións galegas.

En declaracións aos medios, o secretario xeral de Compromiso por Galicia, Xoán Bascuas, destacou que, a diferencia doutras formacións políticas, “aquí será a propia afiliación a que decidirá mediante o seu voto como concorrerá Compromiso por Galicia ás vindeiras eleccións galegas”. “Na convención a militancia decidirao todo: como nos presentamos para as próximas eleccións e con que programa”, subliñou Bascuas.

“Besteiro non pode ser candidato á presidencia da Xunta”

Por outra parte, a preguntas dos xornalistas sobre a nova imputación xudicial do líder do PsdeG-PSOE, Xosé Manuel Gómez Besteiro, o secretario xeral de Compromiso por Galicia recalcou que “a posición de Compromiso é moi nidia: unha persoa que está sendo investigada xudicialmente non pode ser candidato á presidencia da Xunta de Galicia”.
Neste sentido, lembrou que “os homes e mulleres de Compromiso por Galicia non se poden presentar ás eleccións se están sendo investigados xudicialmente, e gustaríame que isto se estendera ás demais forzas políticas”

Publicado o 13 Mar 2016 en Política, Portada, Santiago de Compostela.
Síguenos no noso canal do TELEGRAM

Iniciar sesión

Uso de cookies

Este sitio web utiliza as cookies para que vostede teña unha mellor experiencia de usuario.
Si continúa navegando está a dar seu consentimento para a aceptación das mencionadas cookies e a aceptación da nosa política de cookies.
Faga click no enlace política de cookies para maior información. ACEPTAR

Aviso de cookies